Himanshu Goyal 
ਸੇਖਾ ਰੋਡ ਗਲੀ ਨੰਬਰ 5 ਵਿੱਚ ਕਰਵਾਇਆ ਗਿਆ ਸ੍ਰੀ ਭਗਵਤ ਕਥਾ ਯਗ
ਜਸਮੇਲ ਸਿੰਘ ਡੈਰੀਵਾਲਾ ਨੇ ਨਿਭਾਈ ਝੰਡੇ ਦੀ ਰਸਮ
ਬਰਨਾਲਾ, 23 ਨਵੰਬਰ (ਹਿਮਾਂਸ਼ੂ ਗੋਇਲ): ਸੇਖਾ ਰੋਡ ਗਲੀ ਨੰਬਰ 5 ਵਿਖੇ ਸਥਿਤ ਸ੍ਰੀ ਦੁਰਗਾ ਮਾਤਾ ਮੰਦਿਰ ਵਿੱਚ ਸਮੂਹ ਮਹੱਲਾ ਨਿਵਾਸੀਆਂ ਦੇ ਸਹਿਯੋਗ ਨਾਲ ਸ੍ਰੀ ਭਗਵਤ ਕਥਾ ਯਗ ਦਾ ਵਿਸ਼ਾਲ ਆਯੋਜਨ ਕੀਤਾ ਗਿਆ। ਇਸ ਧਾਰਮਿਕ ਸਮਾਗਮ ਵਿੱਚ ਸ਼ਹਿਰ ਦੀਆਂ ਕਈ ਨਾਮਵਰ ਹਸਤੀਆਂ ਨੇ ਹਾਜ਼ਰੀ ਭਰੀ।
ਸਮਾਗਮ ਦੌਰਾਨ ਝੰਡੇ ਦੀ ਰਸਮ ਐਸੀ ਡਿਪਾਰਟਮੈਂਟ ਜ਼ਿਲ੍ਹਾ ਬਰਨਾਲਾ ਦੇ ਚੇਅਰਮੈਨ ਜਸਮੇਲ ਸਿੰਘ ਡੈਰੀਵਾਲਾ ਅਤੇ ਉਹਨਾਂ ਦੀ ਧਾਰਮਿਕ ਪਤਨੀ ਕੌਂਸਲਰ ਰਾਣੀ ਕੌਰ ਵੱਲੋਂ ਨਿਭਾਈ ਗਈ।
ਇਸ ਕਥਾ ਸਮਾਗਮ ਵਿੱਚ ਪਰਮ ਪੂਜਿਆ ਸ੍ਰੀ ਭਾਰਤ ਭੂਸ਼ਣ ਬਿੰਦਰਾਵਾਲਿਆ ਨੇ ਭਗਵਤ ਕਥਾ ਦਾ ਪਾਵਨ ਵਿਆਖਿਆਨ ਕਰਕੇ ਆਈਆਂ ਸੰਗਤਾਂ ਨੂੰ ਨਿਹਾਲ ਕੀਤਾ ਅਤੇ ਪ੍ਰਭੂ ਨਾਲ ਜੋੜਨ ਦਾ ਗੂੜ੍ਹਾ ਸੰਦੇਸ਼ ਦਿੱਤਾ।
22 ਨਵੰਬਰ ਨੂੰ ਮਾਤਾ ਜੀ ਦਾ ਵਿਸ਼ਾਲ ਜਾਗਰਨ ਵੀ ਕਰਵਾਇਆ ਗਿਆ, ਜਿਸ ਵਿੱਚ ਕਾਕਾ ਬਰਨਾਲਾ ਭਜਨ ਮੰਡਲੀ ਵੱਲੋਂ ਮਾਤਾ ਜੀ ਦੇ ਭਜਨ ਗਾ ਕੇ ਪੰਡਾਲ ਵਿੱਚ ਸੰਗਤਾਂ ਨੂੰ ਝੂਮਣ ਲਈ ਪ੍ਰੇਰਿਤ ਕੀਤਾ ਗਿਆ।
ਕਥਾ ਦੌਰਾਨ ਸ੍ਰੀ ਰਾਮ ਕਥਾ, ਸ੍ਰੀ ਕ੍ਰਿਸ਼ਨ ਕਥਾ, ਸ੍ਰੀ ਸ਼ੁਕਰ ਜਨਮ ਕਥਾ, ਪ੍ਰਹਲਾਦ ਚਰਿੱਤਰ, ਨੰਦ ਜਨਮ ਉਤਸਵ, ਗਿਰੀਰਾਜ ਪੂਜਾ, ਸੁਦਾਮਾ ਚਰਿਤਰ ਤੇ ਸ਼ੁਕਰ ਦੇ ਵਿਦਾਈ ਵਰਗੇ ਪਾਵਨ ਪ੍ਰਸੰਗਾਂ ਦਾ ਸੁੰਦਰ ਵਿਸਤਾਰ ਨਾਲ ਵਰਣਨ ਕੀਤਾ ਗਿਆ।
ਇਸ ਮੌਕੇ ਸੀਨੀਅਰ ਕਾਂਗਰਸੀ ਆਗੂ ਜਸਮੇਲ ਸਿੰਘ ਡੈਰੀਵਾਲਾ ਨੇ ਕਿਹਾ ਕਿ ਸਭ ਨੂੰ ਸਾਰੇ ਧਰਮਾਂ ਦਾ ਆਦਰ ਕਰਨਾ ਚਾਹੀਦਾ ਹੈ ਅਤੇ ਹਰ ਧਾਰਮਿਕ ਸਮਾਗਮ ਵਿੱਚ ਵੱਧ ਚੜ੍ਹ ਕੇ ਹਿੱਸਾ ਲੈਣਾ ਚਾਹੀਦਾ ਹੈ। ਇਸ ਨਾਲ ਨਾ ਸਿਰਫ਼ ਪ੍ਰਭੂ ਚਰਨਾਂ ਵਿੱਚ ਹਾਜ਼ਰੀ ਲੱਗਦੀ ਹੈ, ਸਗੋਂ ਆਪਸੀ ਭਾਈਚਾਰੇ ਦੇ ਰਿਸ਼ਤੇ ਵੀ ਮਜ਼ਬੂਤ ਹੁੰਦੇ ਹਨ।
ਅੰਤ ਵਿੱਚ ਉਹਨਾਂ ਸਮਾਗਮ ਵਿੱਚ ਸ਼ਿਰਕਤ ਕਰਨ ਵਾਲੀ ਸਮੂਹ ਸੰਗਤ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ।
