ਧਨੌਲਾ ਨਗਰ ਕੌਂਸਲ ਚੋਣਾਂ ’ਚ ਵਾਰਡ ਨੰਬਰ 6 ਬਣਿਆ ਚਰਚਾ ਦਾ ਕੇਂਦਰ, ਸੱਤ ਉਮੀਦਵਾਰ ਮੈਦਾਨ ’ਚ

ਵਾਰਡ ਨੰਬਰ 6 ’ਚ ਆਜ਼ਾਦ, ਆਪ, ਭਾਜਪਾ ਤੇ ਅਕਾਲੀ ਦਲ ਵਿਚਾਲੇ ਸਖ਼ਤ ਟੱਕਰ, ਚੋਣ ਪ੍ਰਚਾਰ ਨੇ ਫੜੀ ਰਫ਼ਤਾਰ

ਧਨੌਲਾ, 22 ਮਈ (ਹਿਮਾਂਸ਼ੂ ਗੋਇਲ)

ਨਗਰ ਕੌਂਸਲ ਧਨੌਲਾ ਦੀਆਂ 26 ਮਈ ਨੂੰ ਹੋਣ ਜਾ ਰਹੀਆਂ ਚੋਣਾਂ ਨੂੰ ਲੈ ਕੇ ਵਾਰਡ ਨੰਬਰ 6 ਇਸ ਸਮੇਂ ਕਾਫ਼ੀ ਚਰਚਾ ਵਿੱਚ ਹੈ। ਵਾਰਡ ਵਿੱਚ ਵੱਖ-ਵੱਖ ਪਾਰਟੀਆਂ ਅਤੇ ਆਜ਼ਾਦ ਉਮੀਦਵਾਰਾਂ ਵੱਲੋਂ ਜ਼ੋਰਦਾਰ ਚੋਣ ਪ੍ਰਚਾਰ ਕੀਤਾ ਜਾ ਰਿਹਾ ਹੈ, ਜਿਸ ਨਾਲ ਚੋਣ ਮੈਦਾਨ ਦਿਲਚਸਪ ਬਣ ਗਿਆ ਹੈ।

ਵਾਰਡ ਨੰਬਰ 6 ਤੋਂ ਕੁੱਲ ਸੱਤ ਉਮੀਦਵਾਰ ਆਪਣੀ ਕਿਸਮਤ ਅਜ਼ਮਾ ਰਹੇ ਹਨ। ਇਨ੍ਹਾਂ ਵਿੱਚ ਬਰਜਿੰਦਰ ਸਿੰਘ (ਟਰੈਕਟਰ), ਮੁਨੀਸ਼ ਕੁਮਾਰ (ਬਾਲਟੀ), ਕੁਲਵਿੰਦਰ ਸਿੰਘ (ਝਾੜੂ), ਭਰਪੂਰ ਸਿੰਘ (ਟਰੱਕ), ਭਗਵਾਨ ਦਾਸ (ਕਮਲ ਦਾ ਫੁੱਲ), ਚਰਨਜੀਤ ਮਿੱਤਲ (ਤੱਕੜੀ) ਅਤੇ ਈਸ਼ਵਰ ਕੁਮਾਰ (ਕਾਰ) ਸ਼ਾਮਲ ਹਨ।

ਉਮੀਦਵਾਰਾਂ ਵੱਲੋਂ ਘਰ-ਘਰ ਜਾ ਕੇ ਵੋਟਰਾਂ ਨਾਲ ਸੰਪਰਕ ਕੀਤਾ ਜਾ ਰਿਹਾ ਹੈ ਅਤੇ ਆਪਣੇ ਹੱਕ ਵਿੱਚ ਵੋਟਾਂ ਦੀ ਅਪੀਲ ਕੀਤੀ ਜਾ ਰਹੀ ਹੈ। ਵਾਰਡ ਵਿੱਚ ਵਿਕਾਸ, ਸਫਾਈ, ਗਲੀਆਂ-ਨਾਲੀਆਂ ਅਤੇ ਬੁਨਿਆਦੀ ਸੁਵਿਧਾਵਾਂ ਮੁੱਖ ਚੋਣ ਮੁੱਦੇ ਬਣੇ ਹੋਏ ਹਨ।

ਚੋਣ ਪ੍ਰਚਾਰ ਦੇ ਆਖਰੀ ਦਿਨਾਂ ਵਿੱਚ ਸਾਰੇ ਉਮੀਦਵਾਰ ਆਪਣੀ ਪੂਰੀ ਤਾਕਤ ਲਗਾ ਰਹੇ ਹਨ, ਜਿਸ ਕਾਰਨ ਵਾਰਡ ਦਾ ਸਿਆਸੀ ਮਾਹੌਲ ਕਾਫ਼ੀ ਗਰਮਾਇਆ ਹੋਇਆ ਹੈ। ਇਲਾਕਾ ਵਾਸੀਆਂ ਦੀ ਨਜ਼ਰ ਹੁਣ 26 ਮਈ ਦੇ ਨਤੀਜਿਆਂ ’ਤੇ ਟਿਕੀ ਹੋਈ ਹੈ।