ਬਰਨਾਲਾ, 16 ਅਕਤੂਬਰ(ਹਿਮਾਂਸ਼ੂ ਗੋਇਲ)

“ਜਿੱਥੇ ਹਰ ਬੱਚਾ ਇੱਕ ਉਭਰਦਾ ਕਲਾਕਾਰ ਹੈ” ਭਾਰਤ ਦੇ ਟਾਪ 50 ਸਕੂਲਾਂ ਵਿੱਚ ਸ਼ਾਮਲ ਵਾਈ.ਐਸ. ਪਬਲਿਕ ਸਕੂਲ ਵੱਲੋਂ ਦੀਵਾਲੀ ਦੇ ਤਿਉਹਾਰਕ ਥੀਮ ’ਤੇ ਇੱਕ ਪ੍ਰੇਰਣਾਦਾਇਕ ‘ਓਪਨ ਆਰਟ’ ਇਵੈਂਟ ਦਾ ਆਯੋਜਨ ਕੀਤਾ ਗਿਆ। ਇਸ ਪ੍ਰੋਗਰਾਮ ਵਿੱਚ ਨਰਸਰੀ ਤੋਂ ਲੈ ਕੇ ਬਾਰ੍ਹਵੀਂ ਕਲਾਸ ਤੱਕ ਦੇ 1000 ਤੋਂ ਵੱਧ ਵਿਦਿਆਰਥੀਆਂ ਨੇ ਉਤਸ਼ਾਹਪੂਰਵਕ ਭਾਗ ਲਿਆ। ਸਕੂਲ ਦਾ ਗਰਾਊਂਡ ਰੰਗਾਂ ਤੇ ਰਚਨਾਤਮਕਤਾ ਨਾਲ ਜੀ ਉਠਿਆ ਜਦੋਂ ਵਿਦਿਆਰਥੀਆਂ ਨੇ ਖੁੱਲ੍ਹੇ ਮਾਹੌਲ ਵਿੱਚ ਚਿੱਤਰਕਲਾ, ਸਕੈਚਿੰਗ ਤੇ ਡਿਜ਼ਾਇਨਿੰਗ ਰਾਹੀਂ ਆਪਣੀ ਕਲਪਨਾ ਨੂੰ ਜੀਵੰਤ ਕੀਤਾ। ਇਸ ਇਵੈਂਟ ਦਾ ਮੁੱਖ ਉਦੇਸ਼ ਵਿਦਿਆਰਥੀਆਂ ਨੂੰ ਕਲਾਸਰੂਮ ਦੀਆਂ ਹੱਦਾਂ ਤੋਂ ਬਾਹਰ ਆਪਣੀ ਕਲਾ ਰਾਹੀਂ ਖੁੱਲ੍ਹਾ ਪ੍ਰਗਟਾਵਾ ਕਰਨ ਲਈ ਪ੍ਰੇਰਿਤ ਕਰਨਾ ਸੀ, ਤਾਂ ਜੋ ਉਹ ਆਪਣੇ ਵਿਚਾਰਾਂ ਨੂੰ ਆਜ਼ਾਦੀ ਨਾਲ ਪ੍ਰਗਟ ਕਰ ਸਕਣ ਅਤੇ ਦੀਵਾਲੀ ਦੀ ਸੱਭਿਆਚਾਰਕ ਸੁੰਦਰਤਾ ਨਾਲ ਜੋੜ ਸਕਣ। ਖੁੱਲ੍ਹੇ ਆਕਾਸ਼ ਹੇਠ ਆਯੋਜਿਤ ਇਹ ਇਵੈਂਟ ਬੱਚਿਆਂ ਲਈ ਆਪਣੀ ਕਲਾਤਮਕ ਯੋਗਤਾ ਨੂੰ ਸਭ ਤੋਂ ਕੁਦਰਤੀ ਰੂਪ ਵਿੱਚ ਖੋਜਣ ਦਾ ਸ਼ਾਨਦਾਰ ਮੌਕਾ ਸੀ। ਸਕੂਲ ਦੇ ਨਵੀਨਤਾ, ਰਚਨਾਤਮਕਤਾ ਅਤੇ ਹੋਲਿਸਟਿਕ ਵਿਕਾਸ ਦੇ ਵਿਜ਼ਨ ਨਾਲ ਸੰਗਤ, ਐਸੀਆਂ ਗਤੀਵਿਧੀਆਂ ਵਿਦਿਆਰਥੀਆਂ ਨੂੰ ਆਪਣੇ ਅੰਦਰਲੇ ਪ੍ਰਤੀਭਾ ਸਰੋਤ ਨੂੰ ਜਾਨਣ ਤੇ ਸਿੱਖਣ ਦੀ ਪ੍ਰਕਿਰਿਆ ਦਾ ਆਨੰਦ ਮਾਨਣ ਲਈ ਪ੍ਰੇਰਿਤ ਕਰਦੀਆਂ ਹਨ। ਇਸ ਮੌਕੇ ਪ੍ਰਿੰਸੀਪਲ ਸ਼੍ਰੀ ਮੋਹਿਤ ਜਿੰਦਲ ਨੇ ਕਿਹਾ,“ਓਪਨ ਆਰਟ ਇਵੈਂਟ ਨੇ ਸਾਡੇ ਵਿਦਿਆਰਥੀਆਂ ਨੂੰ ਰੰਗਾਂ ਅਤੇ ਕਲਪਨਾ ਰਾਹੀਂ ਦੀਵਾਲੀ ਦੀ ਖੁਸ਼ੀ ਪ੍ਰਗਟ ਕਰਨ ਦਾ ਬਹੁਤ ਸੋਹਣਾ ਮੌਕਾ ਦਿੱਤਾ। ਵਾਈ.ਐਸ. ਪਬਲਿਕ ਸਕੂਲ ਦਾ ਵਿਸ਼ਵਾਸ ਹੈ ਕਿ ਰਚਨਾਤਮਕਤਾ ਹੀ ਸਿੱਖਿਆ ਦੀ ਬੁਨਿਆਦ ਹੈ ਅਤੇ ਹਰ ਬੱਚੇ ਵਿੱਚ ਇੱਕ ਚਮਕ ਹੈ ਜਿਸਨੂੰ ਉਭਰਨ ਦਾ ਮੌਕਾ ਮਿਲਣਾ ਚਾਹੀਦਾ ਹੈ।”

The post ਵਾਈ.ਐਸ. ਪਬਲਿਕ ਸਕੂਲ ਵਿੱਚ ‘ਓਪਨ ਆਰਟ’ ਇਵੈਂਟ ਆਯੋਜਿਤ appeared first on The Epapers.

ਬਰਨਾਲਾ(ਹਿਮਾਂਸ਼ੂ ਗੋਇਲ)

ਨਰਸਰੀ ਤੋਂ ਦੂਜੀ ਕਲਾਸ ਤੱਕ ਦੇ ਬੱਚਿਆਂ ਨੇ ਵਾਈਐਸ ਜੈਨਨੇਕਸਟ ਵਿਦਿਆਲਿਆ ਵਿੱਚ ਉਤਸਵ_ਏ_ਰੋਸ਼ਨੀ ਦੌਰਾਨ ਦੀਵਾਲੀ ਦੀਆਂ ਖੂਬਸੂਰਤ ਕਲਾਕ੍ਰਿਤੀਆਂ ਬਣਾਈਆਂ। ਇਸ ਗਤੀਵਿਧੀ ਨੇ ਬੱਚਿਆਂ ਨੂੰ ਆਪਣੀ ਕਲਾ ਦਿਖਾਉਣ ਦਾ ਮੌਕਾ ਦਿੱਤਾ ਅਤੇ ਦੀਵਾਲੀ ਦੇ ਤਿਉਹਾਰ ਦੀਆਂ ਖੁਸ਼ੀਆਂ ਮਨਾਉਣ ਦਾ ਮੌਕਾ ਪ੍ਰਦਾਨ ਕੀਤਾ। ਹਰ ਕਲਾਕ੍ਰਿਤੀ ਵਿੱਚ ਬੱਚਿਆਂ ਦੀ ਕਲਪਨਾ ਅਤੇ ਮਿਹਨਤ ਸਪੱਸ਼ਟ ਸੀ, ਜਿਸ ਨਾਲ ਇਹ ਤਿਉਹਾਰ ਹੋਰ ਵੀ ਖਾਸ ਬਣ ਗਿਆ।

ਮਾਪੇ ਅਧਿਆਪਕ-ਮਾਪੇ ਮੀਟਿੰਗ ਦੌਰਾਨ ਵਾਈਐਸ ਜੈਨਨੇਕਸਟ ਵਿਦਿਆਲਿਆ ਆਏ ਅਤੇ ਬੱਚਿਆਂ ਦੇ ਕੰਮ ਨੂੰ ਦੇਖਿਆ, ਸراہਿਆ ਅਤੇ ਕਈ ਕਲਾਕ੍ਰਿਤੀਆਂ ਖਰੀਦੀਆਂ। ਜ਼ਮਾ ਹੋਈ ਰਕਮ ਨੂੰ ਸਥਾਨਕ ਗਰੀਬ ਬੱਚਿਆਂ ਦੀ ਮਦਦ ਲਈ ਦਾਨ ਕੀਤਾ ਗਿਆ, ਜਿਸ ਨਾਲ ਤਿਉਹਾਰ ਦੀ ਰੋਸ਼ਨੀ ਸਕੂਲ ਦੀਆਂ ਦੀਵਾਰਾਂ ਤੋਂ ਬਾਹਰ ਵੀ ਫੈਲ ਗਈ।ਇਸ ਪਹਿਲ ਨੇ ਨਾ ਸਿਰਫ ਬੱਚਿਆਂ ਦੀ ਰਚਨਾਤਮਕ ਪ੍ਰਤਿਭਾ ਨੂੰ ਵਧਾਇਆ, ਬਲਕਿ ਉਹਨਾਂ ਨੂੰ ਸਾਂਝਾ ਕਰਨ ਅਤੇ ਦੇਣ ਦੇ ਮਹੱਤਵ ਦੀ ਸਿੱਖਿਆ ਵੀ ਦਿੱਤੀ, ਜਿਸ ਨਾਲ ਵਾਈਐਸ ਜੈਨਨੇਕਸਟ ਵਿਦਿਆਲਿਆ ‘ਚ ਉਤਸਵ_ਏ_ਰੋਸ਼ਨੀ ਰਚਨਾਤਮਕਤਾ ਅਤੇ ਸਹਾਨੁਭੂਤੀ ਦੋਹਾਂ ਦਾ ਤਿਉਹਾਰ ਬਣ ਗਿਆ।

The post ਵਾਈਐਸ ਜੈਨਨੇਕਸਟ ਵਿਦਿਆਲਿਆ ‘ਚ ਉਤਸਵ_ਏ_ਰੋਸ਼ਨੀ: ਰਚਨਾਤਮਕਤਾ ਅਤੇ ਦਯਾਲਤਾ ਦਾ ਤਿਉਹਾਰ appeared first on The Epapers.

ਸਮਰਪਣ ਫਾਊਂਡੇਸ਼ਨ ਟਰਸਟ ਦੀ ਪਹਿਲ — ਕੋੜ੍ਹ ਰੋਗੀਆਂ ਲਈ ਮੁਫ਼ਤ ਜਾਂਚ ਅਤੇ ਦਵਾਈ ਵੰਡ ਕੈਂਪ ਦਾ ਆਯੋਜਨ

“ਕੋਈ ਵੀ ਕੋੜ੍ਹ ਰੋਗੀ ਇਲਾਜ ਤੋਂ ਵਾਂਝਾ ਨਾ ਰਹੇ” — ਰਾਕੇਸ਼ ਕੁਮਾਰ ਮਿੱਤਲ

ਧਨੌਲਾ, 10 ਅਕਤੂਬਰ (ਹਿਮਾਂਸ਼ੂ ਗੋਇਲ):

ਗਰੀਬ ਅਤੇ ਲੋੜਵੰਦ ਵਰਗ ਦੀ ਸੇਵਾ ਵਿੱਚ ਅੱਗੇ ਰਹਿਣ ਵਾਲੇ ਸਮਾਜ ਸੇਵੀ ਅਤੇ ਸੇਵਾ ਪ੍ਰਮੁੱਖ *ਰਾਕੇਸ਼ ਕੁਮਾਰ ਮਿੱਤਲ ਦੀ ਅਗਵਾਈ ਹੇਠ ਸਮਰਪਣ ਫਾਊਂਡੇਸ਼ਨ ਟਰਸਟ ਵੱਲੋਂ ਰਾਸ਼ਟਰੀ ਸੇਵਾ ਭਾਰਤੀ ਦੀ ਦੇਖ–ਰੇਖ ਹੇਠ ਬਰਨਾਲਾ ਵਿਖੇ ਸਥਿਤ “ਨੇਤਾਜੀ ਸੁਭਾਸ਼ ਆਜ਼ਾਦ ਹਿੰਦ ਕੋੜ੍ਹ ਆਸ਼ਰਮ” ਵਿੱਚ ਕੋੜ੍ਹ ਰੋਗੀਆਂ ਲਈ ਮੁਫ਼ਤ ਜਾਂਚ ਅਤੇ ਦਵਾਈ ਵੰਡ ਕੈਂਪ ਦਾ ਆਯੋਜਨ ਕੀਤਾ ਗਿਆ।

ਰਾਕੇਸ਼ ਮਿੱਤਲ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਸੰਸਥਾ ਦਾ ਮਕਸਦ ਇਹ ਯਕੀਨੀ ਬਣਾਉਣਾ ਹੈ ਕਿ ਕੋਈ ਵੀ ਕੋੜ੍ਹ ਰੋਗੀ ਬਿਨਾਂ ਇਲਾਜ ਤੋਂ ਨਾ ਰਹੇ। ਉਹਨਾਂ ਕਿਹਾ ਕਿ *ਸਮਰਪਣ ਫਾਊਂਡੇਸ਼ਨ ਟਰਸਟ* ਭਾਰਤ ਦੇ 11 ਰਾਜਾਂ ਵਿੱਚ ਲਗਾਤਾਰ ਮੁਫ਼ਤ ਚਿਕਿਤਸਾ ਕੈਂਪ ਲਗਾ ਰਿਹਾ ਹੈ, ਜਿੱਥੇ ਲੋੜਵੰਦ ਮਰੀਜ਼ਾਂ ਨੂੰ ਮੁਫ਼ਤ ਜਾਂਚ, ਸਲਾਹ ਅਤੇ ਦਵਾਈਆਂ ਦਿੱਤੀਆਂ ਜਾਂਦੀਆਂ ਹਨ।

ਉਹਨਾਂ ਇਹ ਵੀ ਦੱਸਿਆ ਕਿ ਸੰਸਥਾ ਦੀ ਮੈਡੀਕਲ ਟੀਮ ਹਰ ਦੋ ਮਹੀਨਿਆਂ ਬਾਅਦ ਆਸ਼ਰਮ ਵਿੱਚ ਪਹੁੰਚ ਕੇ ਮਾਹਰ ਡਾਕਟਰਾਂ ਦੀ ਦੇਖ–ਰੇਖ ਹੇਠ ਸਿਹਤ ਜਾਂਚ ਕਰਦੀ ਹੈ। ਮਿੱਤਲ ਨੇ ਕਿਹਾ ਕਿ ਅੱਜਕੱਲ੍ਹ ਕਈ ਸੰਸਥਾਵਾਂ ਵੱਖ–ਵੱਖ ਬਿਮਾਰੀਆਂ ਲਈ ਕੈਂਪ ਲਗਾ ਰਹੀਆਂ ਹਨ, ਪਰ ਕੋੜ੍ਹ ਰੋਗੀਆਂ ਦੀ ਸੇਵਾ ਕਰਨ ਵਾਲੀਆਂ ਸੰਸਥਾਵਾਂ ਬਹੁਤ ਥੋੜੀਆਂ ਹਨ।

ਉਹਨਾਂ ਸਮਾਜ ਦੇ ਸਮਰੱਥ ਵਰਗ ਨੂੰ ਅਪੀਲ ਕੀਤੀ ਕਿ ਉਹ ਵੀ ਅੱਗੇ ਆ ਕੇ ਇਸ ਮਨੁੱਖਤਾ ਸੇਵਾ ਅਭਿਆਨ ਵਿੱਚ ਯੋਗਦਾਨ ਪਾਏਂ, ਤਾਂ ਜੋ ਕੋਈ ਵੀ ਮਰੀਜ਼ ਆਰਥਿਕ ਤੰਗੀ ਕਾਰਨ ਇਲਾਜ ਤੋਂ ਵਾਂਝਾ ਨਾ ਰਹਿ ਜਾਵੇ।

ਇਸ ਮੌਕੇ ਕੋ -ਆਰਡੀਨੇਟਰ ਸੰਤੋਸ਼ ਰਾਣੀ, ਡਾ. ਦੇਵ ਉਤਕਰਸ਼, ਨਰਸ ਲੱਲਨ, ਨਰਸ ਰੋਹਿਤ, ਡ੍ਰੈਸਰ ਅੰਕਿਤ ਅਤੇ ਡਰਾਈਵਰ ਕ੍ਰਿਸ਼ਨਾ ਕੁਮਾਰ ਦੀ ਟੀਮ ਨੇ ਲਗਭਗ 90 ਮਰੀਜ਼ਾਂ ਦੀ ਜਾਂਚ ਕਰਕੇ ਦੋ ਮਹੀਨਿਆਂ ਦੀਆਂ ਦਵਾਈਆਂ ਮੁਫ਼ਤ ਵੰਡੀਆਂ।

ਸੇਵਾ ਪ੍ਰਮੁੱਖ ਰਾਕੇਸ਼ ਕੁਮਾਰ ਮਿੱਤਲ, ਜ਼ਿਲ੍ਹਾ ਸਕੱਤਰ ਮੁਨੀਸ਼ ਕੁਮਾਰ, ਐਡਵੋਕੇਟ ਸੋਨੂ ਕੁਮਾਰ, ਅਵਤਾਰ ਸਿੰਘ, ਬ੍ਰਿਜ ਲਾਲ, ਰਮਨ ਸਿੰਗਲਾ ਅਤੇ ਕਰਮਜੀਤ ਸਮੇਤ ਹੋਰ ਸਮਾਜ ਸੇਵਕਾਂ ਨੇ ਵੀ ਸੇਵਾ ਵਿੱਚ ਭਾਗ ਲੈ ਕੇ ਪੁੰਨ ਪ੍ਰਾਪਤ ਕੀਤਾ।

The post ਸਮਰਪਣ ਫਾਊਂਡੇਸ਼ਨ ਟਰਸਟ ਦੀ ਪਹਿਲ — ਕੋੜ੍ਹ ਰੋਗੀਆਂ ਲਈ ਮੁਫ਼ਤ ਜਾਂਚ ਅਤੇ ਦਵਾਈ ਵੰਡ ਕੈਂਪ ਦਾ ਆਯੋਜਨ appeared first on The Epapers.

ਜ਼ਿਲ੍ਹਾ ਵਾਸੀਆਂ ਨੂੰ ਅਫ਼ਵਾਹਾਂ ਤੋਂ ਬਚਣ ਦੀ ਅਪੀਲ

ਧਨੌਲਾ, 1 ਸਤੰਬਰ(ਹਿਮਾਂਸ਼ੂ ਗੋਇਲ)-ਡਿਪਟੀ ਕਮਿਸ਼ਨਰ ਬਰਨਾਲਾ ਸ੍ਰੀ ਟੀ ਬੈਨਿਥ ਆਈ ਏ ਐੱਸ ਵਲੋਂ ਅੱਜ ਮੀਂਹ ਦੇ ਮੱਦੇਨਜ਼ਰ ਜਿੱਥੇ ਵੱਖ ਵੱਖ ਡਰੇਨਾਂ ਵਿਚ ਪਾਣੀ ਦੀ ਨਿਕਾਸੀ ਦਾ ਜਾਇਜ਼ਾ ਲਿਆ ਗਿਆ, ਓਥੇ ਪਿੰਡਾਂ ਦਾ ਦੌਰਾ ਕਰਕੇ ਪਿੰਡ ਵਾਸੀਆਂ ਨਾਲ ਮੁਲਾਕਾਤ ਕੀਤੀ ਗਈ।

       ਡਿਪਟੀ ਕਮਿਸ਼ਨਰ ਵਲੋਂ ਅੱਜ ਧਨੌਲਾ ਡਰੇਨ ਅਤੇ ਘੁੰਨਸ ਡਰੇਨ ਵਿੱਚ ਪਾਣੀ ਦੇ ਪੱਧਰ ਅਤੇ ਪਾਣੀ ਦੀ ਨਿਕਾਸੀ ਦਾ ਜਾਇਜ਼ਾ ਲਿਆ ਗਿਆ। ਘੁੰਨਸ ਡਰੇਨ ਵਿੱਚ ਸਫ਼ਾਈ ਜਾਰੀ ਹੈ ਤਾਂ ਜੋ ਪਾਣੀ ਦੇ ਵਹਾਅ ਵਿਚ ਰੁਕਾਵਟ ਨਾ ਆਵੇ।

      ਡਿਪਟੀ ਕਮਿਸ਼ਨਰ ਵਲੋਂ ਪਿੰਡ ਅਤਰਗੜ੍ਹ, ਤਾਜੋਕੇ, ਘੁੰਨਸ, ਧੌਲਾ ਆਦਿ ਦਾ ਦੌਰਾ ਕਰਕੇ ਵਸਨੀਕਾਂ ਨਾਲ ਮੁਲਾਕਾਤ ਕੀਤੀ ਗਈ, ਖਾਸ ਕਰਕੇ ਜਿਹੜੇ ਪਰਿਵਾਰ ਅਣਸੁਰੱਖਿਅਤ ਮਕਾਨਾਂ ਵਿੱਚ ਰਹਿ ਰਹੇ ਹਨ, ਓਨ੍ਹਾਂ ਨੂੰ ਅਪੀਲ ਕੀਤੀ ਗਈ ਕਿ ਪ੍ਰਸ਼ਾਸਨ ਵਲੋਂ ਨੇੜਲੀਆਂ ਧਰਮਸ਼ਾਲਾਵਾਂ ਅਤੇ ਹੋਰ ਢੁਕਵੇ ਸਥਾਨਾਂ ‘ਤੇ ਪ੍ਰਬੰਧ ਕੀਤੇ ਗਏ ਹਨ, ਉਹ ਓਥੇ ਆਰਜ਼ੀ ਤੌਰ ‘ਤੇ ਬਸੇਰਾ ਕਰ ਲੈਣ ਤਾਂ ਜੋ ਜ਼ਿਆਦਾ ਮੀਂਹ ਦੀ ਸਥਿਤੀ ਵਿਚ ਕੋਈ ਜਾਨੀ-ਮਾਲੀ ਨੁਕਸਾਨ ਨਾ ਹੋਵੇ।

   ਇਸ ਮੌਕੇ ਡਿਪਟੀ ਕਮਿਸ਼ਨਰ ਵਲੋਂ ਓਨ੍ਹਾਂ ਪਰਿਵਾਰਾਂ ਨਾਲ ਵੀ ਮੁਲਾਕਾਤ ਕੀਤੀ ਗਈ, ਜਿਨ੍ਹਾਂ ਦੇ ਮਕਾਨ ਨੁਕਸਾਨੇ ਜਾਣ ਕਾਰਨ ਘਟਨਾਵਾਂ ਵਾਪਰੀਆਂ ਹਨ ਓਨ੍ਹਾਂ ਨੂੰ ਮੁਆਇਨਾ (ਅਸੈਸਮੈਂਟ) ਕਰਨ ਮਗਰੋਂ ਮੁਆਵਜ਼ਾ ਜਾਰੀ ਕੀਤਾ ਜਾਵੇਗਾ।

  ਡਿਪਟੀ ਕਮਿਸ਼ਨਰ ਨੇ ਕਿਹਾ ਕਿ ਨਹਿਰਾਂ ਵਿਚ ਪਾਣੀ ਦਾ ਵਹਾਅ ਕੰਟਰੋਲ ‘ਚ ਹੈ। ਓਨ੍ਹਾਂ ਕਿਹਾ ਕਿ ਜ਼ਿਲ੍ਹਾ ਵਾਸੀ ਅਫ਼ਵਾਹਾਂ ਤੋਂ ਬਚਣ ਅਤੇ ਕਿਸੇ ਵੀ ਤਰ੍ਹਾਂ ਦੀ ਲੋੜ ਪੈਣ ‘ਤੇ ਕੰਟਰੋਲ ਰੂਮ ਨੰਬਰ 01679-233031 (ਬਰਨਾਲਾ), 01679-273201 (ਤਪਾ), 82641-93466 (ਮਹਿਲ ਕਲਾਂ) ‘ਤੇ ਸੰਪਰਕ ਕਰ ਸਕਦੇ ਹਨ।

The post ਡਿਪਟੀ ਕਮਿਸ਼ਨਰ ਵਲੋਂ ਧਨੌਲਾ, ਤਾਜੋਕੇ, ਘੁੰਨਸ, ਅਤਰਗੜ੍ਹ ਦਾ ਦੌਰਾ appeared first on The Epapers.

ਧਨੌਲਾ, 28 ਅਗਸਤ (ਹਿਮਾਂਸ਼ੂ ਗੋਇਲ)– ਆਮ ਆਦਮੀ ਪਾਰਟੀ ਜੋ ਕਿ ਸੰਗਰੂਰ-ਬਰਨਾਲਾ ਖੇਤਰ ਨੂੰ ਆਪਣੀ ਮਜ਼ਬੂਤ ਜ਼ਮੀਨ ਮੰਨਦੀ ਆਈ ਹੈ, ਹੁਣ ਉਥੇ ਹੀ ਆਹਿਸਤਾ-ਆਹਿਸਤਾ ਆਪਣਾ ਆਧਾਰ ਖੋ ਰਹੀ ਨਜ਼ਰ ਆ ਰਹੀ ਹੈ ਕਿਉਕਿ ਖਾਸ ਕਰਕੇ ਬਰਨਾਲਾ ਵਿੱਚ ਆਮ ਆਦਮੀ ਪਾਰਟੀ ਦੇ ਆਗੂ ਇਕ ਤੋਂ ਬਾਅਦ ਇਕ ਪਾਰਟੀ ਨੂੰ ਅਲਵਿਦਾ ਕਹਿ ਰਹੇ ਹਨ। ਪਾਰਟੀ ਅੰਦਰ ਵਧ ਰਹੀਆਂ ਬਗਾਵਤੀ ਆਵਾਜ਼ਾਂ ਅਤੇ ਅਹੁਦੇਦਾਰਾਂ ਵੱਲੋਂ ਉਠ ਰਹੇ ਵਿਰੋਧ ਦੇ ਸੁਰ ਪਾਰਟੀ ਲਈ ਗੰਭੀਰ ਚੁਣੌਤੀ ਬਣੇ ਹੋਏ ਹਨ।

ਇਸ ਸੰਦਰਭ ਵਿੱਚ ਅੱਜ ਧਨੌਲਾ ਤੋਂ ਆਮ ਆਦਮੀ ਪਾਰਟੀ ਲਈ ਇਕ ਹੋਰ ਝਟਕਾ ਆਇਆ, ਜਦੋਂ ਨਗਰ ਕੌਂਸਲ ਧਨੌਲਾ ਦੇ ਮੀਤ ਪ੍ਰਧਾਨ ਸੁਖਵਿੰਦਰ ਸਿੰਘ ਮੁੰਦਰੀ ਨੇ ਆਪਣੇ ਸਮਰਥਕਾਂ ਸਮੇਤ ਪਾਰਟੀ ਤੋਂ ਅਲੱਗ ਹੋਣ ਦਾ ਐਲਾਨ ਕਰ ਦਿੱਤਾ।

ਆਪਣੇ ਨਿਵਾਸ ਸਥਾਨ ‘ਤੇ ਰੱਖੀ ਗਈ ਪ੍ਰੈੱਸ ਕਾਨਫਰੰਸ ਦੌਰਾਨ ਉਨ੍ਹਾਂ ਨੇ ਦੱਸਿਆ ਕਿ ਪਾਰਟੀ ਅੰਦਰ ਉਨ੍ਹਾਂ ਦੀ ਕੋਈ ਸੁਣਵਾਈ ਨਹੀਂ ਹੋ ਰਹੀ। ਉਨ੍ਹਾਂ ਆਰੋਪ ਲਾਏ ਕਿ ਕਥਿਤ ਤੌਰ ਤੇ ਨਗਰ ਕੌਂਸਲ ਦਫ਼ਤਰ ਅੰਦਰ ਭ੍ਰਿਸ਼ਟਾਚਾਰ ਫੈਲਿਆ ਹੋਇਆ ਹੈ ਅਤੇ ਪ੍ਰਧਾਨ ਦੇ ਪੁੱਤਰ ਵੱਲੋਂ ਨਗਰ ਕੌਂਸਲ ਦੇ ਕੰਮਾਂ ਵਿੱਚ ਦਖਲਅੰਦਾਜ਼ੀ ਕਰਦਿਆਂ ਕਥਿਤ ਆਪਣੇ ਨਿੱਜੀ ਸਵਾਰਥ ਲਈ ਸਰਕਾਰੀ ਸਰੋਤਾਂ ਦੀ ਵਰਤੋਂ ਕੀਤੀ ਜਾ ਰਹੀ ਹੈ।

ਮੁੰਦਰੀ ਨੇ ਆਗੇ ਕਿਹਾ ਕਿ ਉਨ੍ਹਾਂ ਨੇ ਹਮੇਸ਼ਾ ਪਾਰਟੀ ਦੀ ਤਰੱਕੀ ਲਈ ਕੰਮ ਕੀਤਾ, ਪਰ ਅੱਜ ਮੀਤ ਪ੍ਰਧਾਨ ਹੋਣ ਦੇ ਬਾਵਜੂਦ ਉਨ੍ਹਾਂ ਨੂੰ ਇੱਜ਼ਤ ਨਹੀਂ ਮਿਲ ਰਹੀ। “ਸ਼ਹਿਰ ਦੀਆਂ ਗਲੀਆਂ ਵਿੱਚ ਲਾਈਟਾਂ ਲਗਵਾਉਣ ਦੀ ਕੋਸ਼ਿਸ਼ ਵੀ ਰੋਕੀ ਜਾ ਰਹੀ ਹੈ। ਨਗਰ ਕੌਂਸਲ ਵਿੱਚ ਵਿਕਾਸ ਕਾਰਜ ਠੱਪ ਪਏ ਹਨ। ਹਾਲਾਤ ਇੰਨੇ ਵਿਗੜ ਗਏ ਹਨ ਕਿ ਜੋ ਪੈਸਾ ਸਾਡੇ ਲੋਕ ਸਭਾ ਮੈਂਬਰ ਗੁਰਮੀਤ ਸਿੰਘ ਮੀਤ ਹੇਅਰ ਵੱਲੋਂ ਆਇਆ ਸੀ, ਉਹ ਵੀ ਠੀਕ ਢੰਗ ਨਾਲ ਨਹੀਂ ਲੱਗ ਰਿਹਾ। ਲੋਕ ਸਾਡੇ ਕੋਲ ਕੰਮਾਂ ਦੀ ਫਰਿਆਦ ਲੈ ਕੇ ਆਉਂਦੇ ਹਨ, ਪਰ ਅਸੀਂ ਅਸਮਰਥ ਹੋ ਗਏ ਹਾਂ।”

ਇਨ੍ਹਾਂ ਸਭ ਕਾਰਣਾਂ ਕਰਕੇ ਸੁਖਵਿੰਦਰ ਸਿੰਘ ਮੁੰਦਰੀ ਅਤੇ ਉਨ੍ਹਾਂ ਦੇ ਸਾਥੀਆਂ ਨੇ ਆਮ ਆਦਮੀ ਪਾਰਟੀ ਤੋਂ ਰਾਹ ਅਲੱਗ ਕਰਨ ਦਾ ਫੈਸਲਾ ਕੀਤਾ ਹੈ। ਇਹ ਕਦਮ ਪਾਰਟੀ ਲਈ ਇਕ ਵੱਡੀ ਚੁਣੌਤੀ ਵਜੋਂ ਵੇਖਿਆ ਜਾ ਰਿਹਾ ਹੈ, ਖਾਸ ਕਰਕੇ ਬਰਨਾਲਾ ਵਰਗੇ ਅਹਿਮ ਇਲਾਕੇ ਵਿੱਚ।

ਇਸ ਬਾਰੇ ਕੀ ਕਹਿਣਾ ਹੈ ਜ਼ਿਲ੍ਹਾ ਪ੍ਰਧਾਨ ਅਤੇ ਜ਼ਿਲ੍ਹਾ ਯੋਜਨਾ ਬੋਰਡ ਦੇ ਚੇਅਰਮੈਨ ਪਰਮਿੰਦਰ ਸਿੰਘ ਭੰਗੂ ਦਾ:

ਇਸ ਬਾਰੇ ਜਦੋਂ ਆਪ ਆਗੂ ਜ਼ਿਲ੍ਹਾ ਪ੍ਰਧਾਨ ਅਤੇ ਜ਼ਿਲ੍ਹਾ ਯੋਜਨਾ ਬੋਰਡ ਦੇ ਚੇਅਰਮੈਨ ਪਰਮਿੰਦਰ ਸਿੰਘ ਭੰਗੂ ਨਾਲ ਗੱਲਬਾਤ ਕੀਤੀ ਗਈ ਤਾਂ ਉਹਨਾਂ ਕਿਹਾ ਕਿ ਉਹ ਬੀਮਾਰ ਚੱਲ ਰਹੇ ਹਨ ਅਤੇ ਠੀਕ ਹੁੰਦਿਆਂ ਹੀ ਇਸ ਮਾਮਲੇ ਨੂੰ ਗੰਭੀਰਤਾਂ ਨਾਲ਼ ਲੈਂਦੇ ਇਸ ਦਾ ਹਰ ਸੰਭਵ ਹੱਲ ਕਰਨਗੇ।

The post ਧਨੌਲਾ ਵਿੱਚ ‘ਆਪ’ ਨੂੰ ਲੱਗਾ ਵੱਡਾ ਝਟਕਾ, ਨਗਰ ਕੌਂਸਲ ਮੀਤ ਪ੍ਰਧਾਨ ਸੁਖਵਿੰਦਰ ਮੁੰਦਰੀ ਨੇ ਕੀਤਾ ਬਾਈਕਾਟ appeared first on The Epapers.

ਵਾਈਐਸ ਪਬਲਿਕ ਸਕੂਲ ਨੇ ‘ਤਿਰੰਗਾ ਟੇਲਜ਼’ ਨਾਮਕ ਆਪਣੇ ਰੰਗੀਨ ਕਾਰਜਕ੍ਰਮ ਰਾਹੀਂ ਸਵਤੰਤਰਤਾ ਦਿਵਸ ਉਤਸ਼ਾਹ ਅਤੇ ਗਰਵ ਨਾਲ ਮਨਾਇਆ। ਇਸ ਦਿਨ ਸਕੂਲ ਕੈਂਪਸ ਵਿਚ ਖੁਸ਼ੀਆਂ ਅਤੇ ਆਜ਼ਾਦੀ ਦੀ ਭਾਵਨਾ ਛਾ ਗਈ। ਸਭ ਤੋਂ ਛੋਟੇ ਵਾਈਐਸੀਅਨ ਤਿਰੰਗੇ ਦੇ ਸੁੰਦਰ ਰੰਗਾਂ ਵਾਲੇ ਕੱਪੜੇ ਪਹਿਨੇ ਅਤੇ ਤਿਰੰਗੇ ਦੇ ਰੰਗਾਂ ਤੋਂ ਪ੍ਰੇਰਿਤ ਲੰਚ ਲੈ ਕੇ ਆਏ। ਨਰਸਰੀ ਕਲਾਸ ਦਾ ਵਿਸ਼ੇਸ਼ ਪ੍ਰਦਰਸ਼ਨ ਨੇ ਸਾਰਿਆਂ ਦਾ ਦਿਲ ਜਿੱਤ ਲਿਆ, ਜਿਸ ਵਿੱਚ ਨਰਮਤਾ ਅਤੇ ਦੇਸ਼ਭਗਤੀ ਦਾ ਸੁੰਦਰ ਮਿਲਾਪ ਦਿਖਿਆ। ਇਸ ਮੌਕੇ ਨੂੰ ਹੋਰ ਵੀ ਗਰਵਮਈ ਬਣਾਉਣ ਲਈ, ਕਲਾਸ 6 ਦੇ ਵਿਦਿਆਰਥੀਆਂ ਨੇ ਕਾਲਾ ਮੇਹਰ ਸਟੇਡੀਅਮ ਵਿੱਚ ਜ਼ਿਲ੍ਹਾ ਪੱਧਰੀ ਸਵਤੰਤਰਤਾ ਦਿਵਸ ਸਮਾਰੋਹ ਵਿੱਚ ਵਾਈਐਸ ਪਬਲਿਕ ਸਕੂਲ ਦਾ ਪ੍ਰਤੀਨਿਧਿਤਵ ਕੀਤਾ ਅਤੇ ਸਾਰਿਆਂ ਨੂੰ ਗਰਵ ਮਹਿਸੂਸ ਕਰਵਾਇਆ। ਸਵੇਰੇ ਦੀ ਸ਼ੁਰੂਆਤ ਸਕੂਲ ਕੈਂਪਸ ਵਿੱਚ ਝੰਡਾ ਲਹਿਰਾਉਣ ਦੇ ਸਮਾਰੋਹ ਨਾਲ ਹੋਈ, ਜਿਸ ਦਾ ਨੇਤ੍ਰਿਤਵ ਪ੍ਰਿੰਸੀਪਲ ਮੋਹਿਤ ਜਿੰਦਲ, ਵਾਈਸ ਪ੍ਰਿੰਸੀਪਲ ਅਤੇ ਅਧਿਆਪਕਾਂ ਨੇ ਕੀਤਾ ਅਤੇ ਇਸ ਤੋਂ ਬਾਅਦ ਸਾਰਿਆਂ ਨੇ ਮਿਲ ਕੇ ਰਾਸ਼ਟਰਗਾਨ ਗਾਇਆ। ਪ੍ਰਿੰਸੀਪਲ ਮੋਹਿਤ ਜਿੰਦਲ ਨੇ ਕਿਹਾ ‘ਸਵਤੰਤਰਤਾ ਦਿਵਸ ਸਿਰਫ਼ ਇਕ ਸਮਾਰੋਹ ਨਹੀਂ ਹੈ; ਇਹ ਉਹ ਮੁੱਲ, ਬਲੀਦਾਨ ਅਤੇ ਜ਼ਿੰਮੇਵਾਰੀਆਂ ਯਾਦ ਦਿਵਾਉਂਦਾ ਹੈ ਜੋ ਸਾਨੂੰ ਇਸ ਮਹਾਨ ਦੇਸ਼ ਦੇ ਨਾਗਰਿਕ ਹੋਣ ਦੇ ਨਾਤੇ ਮਿਲਦੀਆਂ ਹਨ। ਮੈਂ ਗਰਵ ਮਹਿਸੂਸ ਕਰਦਾ ਹਾਂ ਕਿ ਸਾਡੇ ਵਿਦਿਆਰਥੀ ਆਪਣੇ ਪ੍ਰਦਰਸ਼ਨਾਂ ਅਤੇ ਭਾਗੀਦਾਰੀ ਰਾਹੀਂ ਏਕਤਾ, ਸਨਮਾਨ ਅਤੇ ਭਾਰਤ ਪ੍ਰਤੀ ਪਿਆਰ ਦਾ ਜਜ਼ਬਾ ਦਰਸਾ ਰਹੇ ਹਨ। ‘ਤਿਰੰਗਾ ਟੇਲਜ਼’ ਨਾ ਸਿਰਫ਼ ਆਜ਼ਾਦੀ ਦਾ ਜਸ਼ਨ ਮਨਾਉਂਦਾ ਹੈ, ਸਗੋਂ ਵਾਈਐਸ ਪਬਲਿਕ ਸਕੂਲ ਦੀ ਦ੍ਰਿਸ਼ਟੀ ਵੀ ਦਰਸਾਉਂਦਾ ਹੈ – ਕਿ ਇਹ ਸਕੂਲ ਆਤਮਵਿਸ਼ਵਾਸ਼ੀ, ਪ੍ਰਤਿਭਾਸ਼ਾਲੀ ਅਤੇ ਦੇਸ਼ਭਗਤ ਨਾਗਰਿਕ ਤਿਆਰ ਕਰਦਾ ਹੈ। ਰੰਗੀਨ ਪ੍ਰਦਰਸ਼ਨਾਂ, ਗਰਵ ਭਰੇ ਪ੍ਰਤੀਨਿਧਿਤਵ ਅਤੇ ਖੁਸ਼ਮਿਜ਼ਾਜ ਭਾਗੀਦਾਰੀ ਨਾਲ ਇਹ ਦਿਨ ਵਾਈ ਐਸ ਦੀ ਯਾਤਰਾ ਵਿੱਚ ਇੱਕ ਯਾਦਗਾਰ ਅਧਿਆਇ ਬਣ ਗਿਆ।

The post ਵਾਈਐਸ ਪਬਲਿਕ ਸਕੂਲ ਦਾ ‘ਤਿਰੰਗਾ ਟੇਲਜ਼’- ਦੇਸ਼ਭਗਤੀ ਦੇ ਰੰਗ ਫੈਲਾਉਂਦਾ ਸਮਾਰੋਹ appeared first on The Epapers.

ਬਰਨਾਲਾ, (ਸੁਖਵਿੰਦਰ ਸਿੰਘ ਭੰਡਾਰੀ ਭੰਡਾਰੀ)

ਸਾਨੂੰ ਕੋਪਲ ਕੰਪਨੀ ਦੀਆਂ ਬਣੀਆਂ ਹੋਈਆ ਕੀੜੇ ਮਾਰ ਦਵਾਈਆਂ ਉਪਰ ਪੂਰਾ ਭਰੋਸਾ ਹੈ ਜਿਸ ਕਰਕੇ ਸਾਡੀ ਪੈਦਾਵਾਰ ਵਿੱਚ ਵਾਧਾ ਹੋ ਰਿਹਾ ਹੈ । ਇਹਨਾਂ ਸਬਦਾ ਦਾ ਪ੍ਰਗਟਾਵਾ ਅਗਾਂਹਵਧੂ ਕਿਸਾਨ ਕਮਲਪ੍ਰੀਤ ਸਿੰਘ ਪੁੱਤਰ ਮਨਜੀਤ ਸਿੰਘ ਪਿੰਡ ਮਹਿਲ ਕਲਾਂ ਜ਼ਿਲਾ ਬਰਨਾਲਾ ਨੇ ਸਾਡੇ ਪ੍ਰਤੀਨਿਧੀ ਨਾਲ ਗੱਲਬਾਤ ਕਰਦਿਆਂ ਦੱਸਿਆ ਕਿ ਉਹ 135 ਕਿਲਿਆਂ ਦੀ ਖੇਤੀ ਕਰਦੇ ਹਨ ਅਤੇ ਪਿਛਲੇ ਲੰਬੇ ਸਮੇ ਤੋਂ ਕੋਪਲ ਕੰਪਨੀ ਦੀਆਂ ਦਵਾਈਆਂ ਆਪਣੇ ਪਿੰਡ ਦੇ ਦੁਕਾਨਦਾਰ ਨਿਊ ਕਿਸਾਨ ਖੇਤੀ ਸੇਵਾ ਸੈਂਟਰ ਮਹਿਲ ਕਲਾਂ ਤੋਂ ਲੈ ਕੇ ਵਰਤ ਰਹੇ ਹਨ । ਉਨ੍ਹਾਂ ਦੱਸਿਆ ਕਿ ਆਮ ਕਿਸਾਨਾਂ ਦੀ ਤਰਾਂ ਉਹਨਾਂ ਉਪਰ ਵੀ ਮਹਿੰਗੇ ਬ੍ਰੈਂਡ ਦੀਆਂ ਮਹਿੰਗੀਆਂ ਦਵਾਈਆਂ ਵਰਤਣ ਦਾ ਸ਼ੌਂਕ ਸੀ। ਪਰੰਤੂ ਕੋਪਲ ਕੰਪਨੀ ਦੇ ਪੰਜਾਬ ਦੇ ਮੁੱਖ ਸੇਲਜ਼ ਮੈਨੇਜਰ ਹਰਜੀਤ ਸਿੰਘ ਢਿੱਲੋਂ ਵੱਲੋਂ ਦਿੱਤੇ ਭਰੋਸੇ ਕਾਰਨ ਥੋੜ੍ਹੇ ਖੇਤ ਵਿੱਚ ਇਨ੍ਹਾਂ ਦੀਆਂ ਦਵਾਈਆਂ ਦੀ ਵਰਤੋ ਕਰਨੀ ਸ਼ੁਰੂ ਕੀਤੀ ਅਤੇ ਦੇਖਿਆ ਕਿ ਉਹਨਾਂ ਦੀਆਂ ਦਵਾਈਆ ਮਹਿੰਗੇ ਬਰਾਂਡਾ ਤੋਂ ਕਿਸੇ ਪੱਖੋਂ ਵੀ ਘੱਟ ਨਹੀਂ ਸੀ। ਉਸ ਤੋਂ ਬਾਅਦ ਅਸੀਂ ਸਿਰਫ ਕੋਪਲ ਦੀਆਂ ਦਵਾਈਆਂ ਹੀ ਖ਼ਰੀਦ ਕਰ ਕੇ ਵਰਤ ਰਹੇ ਹਾਂ ਅਤੇ ਜਿਸ ਨਾਲ ਸਾਡੀ ਖੇਤੀ ਦੀ ਪੈਦਾਵਾਰ ਵਿੱਚ ਘੱਟ ਖ਼ਰਚੇ ਨਾਲ ਅਥਾਹ ਵਾਧਾ ਹੋਇਆ ਹੈ। ਅਸੀਂ ਹੋਰਨਾਂ ਕਿਸਾਨਾਂ ਨੂੰ ਵੀ ਅਪੀਲ ਕਰਦੇ ਹਾਂ ਕਿ ਉਹ ਮਹਿੰਗੇ ਬਰਾਂਡਾ ਪਿੱਛੇ ਪੈਣ ਦੀ ਬਜਾਏ ਸਾਡੇ ਆਪਣੇ ਪੰਜਾਬ ਅੰਦਰ ਬਣੀ ਕੰਪਨੀ ਕੋਪਲ ਦੇ ਉਤਪਾਦ ਜਰੂਰ ਖਰੀਦ ਕਰਨ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਦੁਕਾਨ ਦੇ ਮਾਲਿਕ ਭੁਪਿੰਦਰ ਸਿੰਘ ਸਿੱਧੂ , ਹਰਦੀਪ ਸਿੰਘ ਸੰਧੂ ਅਤੇ ਇਲਾਕੇ ਦੇ ਹੋਰਨਾਂ ਪਿੰਡਾਂ ਦੇ ਕਿਸਾਨ ਬਚਿੱਤਰ ਸਿੰਘ ਬੋਪਾਰਾਏ, ਸਰਬਜੀਤ ਸਿੰਘ ਗੋਬਿੰਦਗੜ੍ਹ, ਗੁਰਪ੍ਰੀਤ ਸਿੰਘ ਮੂੰਮ ਅਤੇ ਰਾਜਦੀਪ ਸਿੰਘ ਆਦਿ ਵੀ ਹਾਜ਼ਰ ਸਨ।

The post ਕੋਪਲ ਦੇ ਬਣੇ ਉਤਪਾਦਾਂ ਤੇ ਪੂਰਾ ਭਰੋਸਾ ਹੈ—– ਕਮਲਪ੍ਰੀਤ ਸਿੰਘ appeared first on The Epapers.

ਅਮਰਗੜ੍ਹ/ਸੁਖਵਿੰਦਰ ਸਿੰਘ ਅਟਵਾਲ- ਆਤਮ ਪਰਗਾਸ ਸੋਸ਼ਲ ਵੈਲਫੇਅਰ ਕੌਂਸਲ ਵੱਲੋਂ ਸਮਾਜ ਚ ਖਤਮ ਹੋ ਰਹੀਆਂ ਮਨੁੱਖੀ ਕਦਰਾਂ ਕੀਮਤਾਂ ਨੂੰ ਸੁਰਜੀਤ ਕਰਨ ਦੇ ਮਕਸਦ ਨਾਲ ਬੱਚਿਆਂ ਨੂੰ ਇੱਕ ਸਚਿਆਰ ਮਨੁੱਖ ਬਣਾਉਣ ਲਈ ਚਲਾਏ ਗਏ ਮਿਸ਼ਨ ਅਧੀਨ ਜੇ.ਕੇ ਮੈਮੋਰੀਅਲ ਗਲੋਬਲ ਸਕੂਲ ਬਾਗੜੀਆਂ ਵਿਖੇ ਇਕ ਪ੍ਰੋਗਰਾਮ ਦਾ ਆਯੋਜਨ ਕੀਤਾ ਗਿਆ। ਇਸ ਪ੍ਰੋਗਰਾਮ ‘ਚ ਆਤਮ ਪਰਗਾਸ ਸੋਸ਼ਲ ਵੈਲਫੇਅਰ ਕੌਂਸਲ ਵੱਲੋਂ ਸਿੰਘ ਜਸ਼ਨਜੀਤ ਸਿੰਘ,ਜਸਵਿੰਦਰ ਸਿੰਘ, ਅਮਨਪ੍ਰੀਤ ਕੌਰ,ਆਕਾਸ਼ਦੀਪ ਸਿੰਘ ਤੇ ਸੁਖਚੈਨ ਸਿੰਘ ਦੀ ਪਹੁੰਚੀ ਪੰਜ ਮੈਂਬਰ ਟੀਮ ਵੱਲੋਂ ਜਿੱਥੇ ਸਟੇਜ ਤੋਂ ਸਕੂਲ ਦੇ ਅਧਿਆਪਕ ਤੇ ਹਾਜ਼ਰ ਹੋਰਨਾ ਸ਼ਖਸੀਅਤਾਂ ਨਾਲ ਵਿਚਾਰਾਂ ਦੀ ਸਾਂਝ ਪਾਉਂਦੇ ਹੋਏ ਅਜੋਕੀ ਸਿੱਖਿਆ ਪ੍ਰਣਾਲੀ ਦੀ ਪੁਰਾਤਨ ਸਿੱਖਿਆ ਪ੍ਰਣਾਲੀ ਨਾਲ ਤੁਲਨਾ ਕਰਦਿਆਂ ਸਾਰਿਆਂ ਨੂੰ ਪੁੰਗਰਦੀ ਪਨੀਰੀ (ਬੱਚਿਆਂ)ਨੂੰ ਇੱਕ ਸਚਿਆਰਾ ਮਨੁੱਖ ਬਣਾਉਣ ਵਿੱਚ ਆਪੋ-ਆਪਣਾ ਯੋਗਦਾਨ ਪਾਉਣ ਦੀ ਅਪੀਲ ਕੀਤੀ। ਬੁਲਾਰਿਆਂ ਨੇ ਕਿਹਾ ਕਿ ਇੱਕ ਸਚਿਆਰ ਮਨੁੱਖ ਹੀ ਇੱਕ ਚੰਗੇ ਸਮਾਜ ਦੀ ਸਿਰਜਣਾ ਕਰ ਸਕਦਾ ਹੈ। ਉਨ੍ਹਾਂ ਸਕੂਲ ਦੇ ਚੇਅਰਮੈਨ ਸ੍ਰ ਬਲਵੀਰ ਸਿੰਘ ਸੋਹੀ,ਪ੍ਰਿੰਸੀਪਲ ਪ੍ਰਿਤਪਾਲ ਸਿੰਘ ਖਟੜਾ ਤੇ ਸਮੁੱਚੀ ਮੈਨੇਜਮੈਂਟ ਵੱਲੋਂ ਅਗਲੇ ਸੈਸ਼ਨ ਤੋਂ ਕੌਂਸਲ ਦੀਆਂ ਸਾਰੀਆਂ ਪਾਠ ਪੁਸਤਕਾਂ ਨੂੰ ਆਪਣੇ ਪਾਠਕ੍ਰਮ ‘ਚ ਸ਼ਾਮਿਲ ਕਰਨ ਦੀ ਸਹਿਮਤੀ ਤੇ ਸਹਿਯੋਗ ਲਈ ਦੇਣ ਲਈ ਧੰਨਵਾਦ ਕੀਤਾ।
ਸਮਾਜ ਸੇਵੀ ਤੇ ਵਾਤਾਵਰਨ ਪ੍ਰੇਮੀ ਡਾਕਟਰ ਗੁਰਪ੍ਰੀਤ ਕੌਰ ਢੀਡਸਾ ਨੇ ਆਪਣੇ ਸੰਬੋਧਨ ‘ਚ ਜਿੱਥੇ ਆਤਮ ਪਰਗਾਸ ਵੱਲੋਂ ਚਲਾਏ ਜਾ ਰਹੇ ਕਾਰਜਾਂ ਦੀ ਸਲਾਘਾ ਕੀਤੀ,ਉਥੇ ਹੀ ਉਨ੍ਹਾਂ ਸਰੀਰਕ ਤੰਦਰੁਸਤੀ ਲਈ ਸਾਰਿਆਂ ਨੂੰ ਆਪਣੀ ਰਸੋਈ ‘ਚ ਸੁਧਾਰ ਕਰਕੇ ਮੁੜ ਤੋਂ ਪੁਰਾਣੇ ਪਿੰਡਾਂ ਨੂੰ ਸੁਰਜੀਤ ਕਰਨ ਦੀ ਅਪੀਲ ਕੀਤੀ। ਸਕੂਲ ਵੱਲੋਂ ਰਿਟਾਇਰਡ ਪ੍ਰਿੰਸੀਪਲ ਸ੍ਰ ਰੌਣਕ ਸਿੰਘ ਨੇ ਸਮੁੱਚੀ ਟੀਮ ਤੇ ਆਏ ਮਹਿਮਾਨਾਂ ਦਾ ਧੰਨਵਾਦ ਕਰਦਿਆਂ ਅਧਿਆਪਕ ਦੇ ਵਿਦਿਆਰਥੀ ਜੀਵਨ ‘ਚ ਵਡਮੁੱਲੇ ਰੋਲ ਤੇ ਯੋਗਦਾਨ ਦਾ ਅਹਿਮ ਜ਼ਿਕਰ ਕੀਤਾ।
ਇਸ ਮੌਕੇ ਗੁਰਚਰਨ ਸਿੰਘ ਕੈਨੇਡਾ,ਮੈਡਮ ਸੁਖਵਿੰਦਰ ਕੌਰ ਕੈਨੇਡਾ,ਸ੍ਰ ਜੋਰਾਵਰ ਸਿੰਘ ਕੈਨੇਡਾ, ਸ੍ਰ ਗੁਰਦਰਸ਼ਨ ਸਿੰਘ ਭੱਟੀਆਂ,ਸੁਮਨਪ੍ਰੀਤ ਕੌਰ ਚੌਂਦਾ,ਜਸਬੀਰ ਕੌਰ ਤੇ ਸੁਵੀਰ ਕੌਰ ਢੀਡਸਾ ਤੋਂ ਇਲਾਵਾ ਸਮੁੱਚਾ ਸਕੂਲ ਸਟਾਫ ਹਾਜ਼ਰ ਸੀ। ਕੈਂਪਸ ਮੈਨੇਜਰ ਗਗਨਦੀਪ ਪੁਰੀ ਦੇ ਬਾ-ਕਮਾਲ ਪ੍ਰਬੰਧਾਂ ਦੀ ਬਦੌਲਤ ਸਮੁੱਚਾ ਪ੍ਰੋਗਰਾਮ ਅਪਣੀ ਖ਼ਾਸ ਛਾਪ ਛੱਡਦਾ ਹੋਇਆ ਸਫਲਤਾ ਪੂਰਵਕ ਨੇਪਰੇ ਚੜਿਆ।

The post ਇੱਕ ਸਚਿਆਰ ਮਨੁੱਖ ਹੀ ਚੰਗੇ ਸਮਾਜ ਦੀ ਸਿਰਜਣਾ ਕਰ ਸਕਦਾ ਹੈ ; ਆਤਮ ਪਰਗਾਸ ਟੀਮ appeared first on The Epapers.

• *ਡਿਪਟੀ ਕਮਿਸ਼ਨਰ ਨੇ ਜ਼ਿਲ੍ਹਾ ਨਿਵਾਸੀਆਂ ਨੂੰ ਅਪੀਲ ਕੀਤੀ ਕਿ ਪ੍ਰਧਾਨ ਮੰਤਰੀ ਕੇਅਰ ਫ਼ੰਡ ਫ਼ਾਰ ਚਿਲਡਰਨ ਸਕੀਮ ਅਧੀਨ ਲਾਭ ਤੋਂ ਵਾਂਝੇ ਅਨਾਥ ਬੱਚਿਆਂ ਦੀ ਸੂਚਨਾ ਜ਼ਿਲ੍ਹਾ ਬਾਲ ਸੁਰੱਖਿਆ ਅਫ਼ਸਰ ਮਾਲੇਰਕੋਟਲਾ ਨੂੰ ਤੁਰੰਤ ਭੇਜੀ ਜਾਵੇ

ਮਾਲੇਰਕੋਟਲਾ/ਸੁਖਵਿੰਦਰ ਸਿੰਘ ਅਟਵਾਲ

ਕਰੌਨਾ ਦੌਰਾਨ ਮਾਤਾ ਜਾਂ ਪਿਤਾ ਦੇ ਦੇਹਾਂਤ ਜਾਂ ਅਨਾਥ ਹੋਏ ਬੱਚਿਆਂ ਨਾਲ ਡਿਪਟੀ ਕਮਿਸ਼ਨਰ ਵਿਰਾਜ ਐਸ. ਤਿੜਕੇ ਨੇ ਬਤੌਰ ਕਾਨੂੰਨੀ ਸਰਪ੍ਰਸਤ (ਲੀਗਲ ਗਾਰਡੀਅਨ) ਮੁਲਾਕਾਤ ਕੀਤੀ । ਇਸ ਮੌਕੇ ਕਰੌਨਾ ਦੌਰਾਨ ਦੋਵੇਂ ਮਾਪੇ ਗਵਾ ਚੁੱਕੇ ਪਿੰਡ ਮਤੋਈ ਦੇ ਬੱਚਿਆਂ ਤੋਂ ਇਲਾਵਾ ਜ਼ਿਲ੍ਹਾ ਬਾਲ ਸੁਰੱਖਿਆ ਅਫ਼ਸਰ ਹਰਪ੍ਰੀਤ ਕੌਰ ਮੌਜੂਦ ਸਨ ।

ਡਿਪਟੀ ਕਮਿਸ਼ਨਰ ਵਿਰਾਜ ਐਸ.ਤਿੜਕੇ ਨੇ ਬੱਚਿਆਂ ਨਾਲ ਗੱਲਬਾਤ ਕਰਦਿਆਂ ਉਨ੍ਹਾਂ ਦੀ ਪੜਾਈ, ਸਿਹਤ, ਸਰਕਾਰ ਵੱਲੋਂ ਦਿੱਤੀਆਂ ਜਾ ਰਹੀਆਂ ਸਹੂਲਤਾਵਾਂ ਅਤੇ ਪੇਸ਼ ਆ ਰਹੀਆਂ ਸਮੱਸਿਆਵਾਂ ਸਬੰਧੀ ਜਾਣਕਾਰੀ ਇੱਕਤਰ ਕੀਤੀ । ਕੋਵਿਡ ਕਾਰਨ ਅਨਾਥ ਹੋਏ ਬੱਚਿਆਂ ਨੂੰ ਅਵਗਤ ਕਰਵਾਇਆ ਕਿ ਉਨ੍ਹਾਂ ਨੂੰ ਸਰਕਾਰ ਵਲੋਂ ਪ੍ਰਧਾਨ ਮੰਤਰੀ ਕੇਅਰ ਫੰਡ ਫਾਰ ਚਿਲਡਰਨ ਅਧੀਨ ਡਿਪਟੀ ਕਮਿਸ਼ਨਰ ਮਾਲੇਰਕੋਟਲਾ ਰਾਹੀਂ 10 ਲੱਖ ਰੁਪਏ ਦੀ ਸਹਾਇਤਾ ਰਾਸ਼ੀ ਦਾ ਲਾਭ ਦਿੱਤਾ ਜਾ ਚੁੱਕਾ ਹੈ। ਡਿਪਟੀ ਕਮਿਸ਼ਨਰ ਨੇ ਬੱਚਿਆਂ ਨੂੰ ਦੱਸਿਆ ਕਿ ਡਾਕਖਾਨੇ ਵਿੱਚ ਉਹਨਾਂ ਦੇ ਖਾਤੇ ਖੋਲੇ ਗਏ ਹਨ ਅਤੇ ਇਹਨਾਂ ਖਾਤਿਆਂ ਵਿੱਚ ਇਹ ਸਹਾਇਤਾ ਰਾਸ਼ੀ ਦਿੱਤੀ ਜਾ ਚੁੱਕੀ ਹੈ। ਇਸ ਤੋਂ ਇਲਾਵਾ ਇਨ੍ਹਾਂ ਬੱਚਿਆਂ ਨੂੰ ਸਰਕਾਰ ਵੱਲੋਂ ਦਿੱਤੀਆਂ ਜਾਣ ਵਾਲੀਆਂ ਵੱਖ ਵੱਖ ਸਕੀਮਾਂ ਜਿਵੇਂ ਕਿ ਪੈਨਸ਼ਨ 1500 ਰੁਪਏ ਪ੍ਰਤੀ ਮਹੀਨਾ , ਸਪਾਂਸਰਸ਼ਿਪ ਸਕੀਮ ਅਧੀਨ 4000 ਪ੍ਰਤੀ ਮਹੀਨਾ ਵਜ਼ੀਫਾ ,ਐਕਸ ਗਰੇਸ਼ੀਆਂ ਗ੍ਰਾਂਟ 50,000 ਰੁਪਏ, ਸਰਬੱਤ ਸਿਹਤ ਬੀਮਾ ਸਕੀਮ ਤਹਿਤ 05 ਲੱਖ ਰੁਪਏ ਤੱਕ ਦਾ ਇਲਾਜ, ਸਮਾਰਟ ਰਾਸ਼ਨ ਕਾਰਡ, ਆਸ਼ੀਰਵਾਦ ਸਕੀਮ ਆਦਿ ਦਾ ਲਾਭ ਵੀ ਮੁਹੱਈਆ ਕਰਵਾਇਆ ਜਾ ਚੁੱਕਾ ਹੈ, ਨਾਲ ਹੀ ਬੱਚਿਆਂ ਦੀ ਸਕੂਲੀ ਫ਼ੀਸ ਮਾਫ਼ ਕਰਵਾ ਦਿੱਤੀ ਗਈ ਹੈ।

ਜ਼ਿਲ੍ਹਾ ਬਾਲ ਸੁਰੱਖਿਆ ਅਫ਼ਸਰ ਹਰਪ੍ਰੀਤ ਕੌਰ ਨੇ ਦੱਸਿਆ ਕਿ ਇਨ੍ਹਾਂ ਬੱਚਿਆ ਦਾ ਰੈਗੂਲਰ ਮੈਡੀਕਲ ਕਰਵਾਇਆ ਜਾਂਦਾ ਹੈ ਅਤੇ ਪਰਿਵਾਰ ਨਾਲ ਲਗਾਤਾਰ ਰਾਬਤਾ ਰੱਖਿਆ ਹੋਇਆ ਤਾਂ ਜੋ ਇਨ੍ਹਾਂ ਨੂੰ ਕਿਸੇ ਵੀ ਤਰ੍ਹਾਂ ਦੀ ਦਿੱਕਤ ਪੇਸ਼ ਨਾ ਆਵੇ।

ਇਸ ਮੌਕੇ ਵਿਰਾਜ ਐਸ.ਤਿੜਕੇ ਨੇ ਕਿਹਾ ਕਿ ਜਿਹੜੇ ਬੱਚੇ ਕਿਸੇ ਕਾਰਨ ਪ੍ਰਧਾਨ ਮੰਤਰੀ ਕੇਅਰ ਫੰਡ ਫਾਰ ਚਿਲਡਰਨ ਸਕੀਮ ਦਾ ਲਾਭ ਲੈਣ ਤੋ ਵਾਂਝੇ ਰਹਿ ਗਏ ਹਨ, ਉਨ੍ਹਾਂ ਦੇ ਫਾਰਮ ਭਰਨ ਲਈ ਸੂਚਨਾ ਜ਼ਿਲ੍ਹਾ ਬਾਲ ਸੁਰੱਖਿਆ ਅਫਸਰ ਮਾਲੇਰਕੋਟਲਾ ਹਰਪ੍ਰੀਤ ਕੌਰ ਨੂੰ ਭੇਜੀ ਜਾਵੇ ਤਾਂ ਜੋ ਜ਼ਿਲ੍ਹਾ ਪ੍ਰਸ਼ਾਸ਼ਨ ਵੱਲੋ ਉਹਨਾਂ ਦਾ ਕੇਸ ਸਿਫਾਰਿਸ਼ ਕਰਕੇ ਡਾਇਰੈਕਟਰ ਸਮਾਜਿਕ ਸੁਰੱਖਿਆ ਅਤੇ ਇਸਤਰੀ ਤੇ ਬਾਲ ਵਿਕਾਸ ਪੰਜਾਬ ਨੂੰ ਭੇਜਿਆ ਜਾ ਸਕੇ ।

ਡਿਪਟੀ ਕਮਿਸ਼ਨਰ ਨੇ ਜ਼ਿਲ੍ਹਾ ਵਾਸੀਆ ਨੂੰ ਅਪੀਲ ਕੀਤੀ ਕਿ ਜੇਕਰ ਕਿਸੇ ਨੂੰ ਅਜਿਹੇ ਬੱਚੇ ਜਿਹਨਾਂ ਦੇ ਮਾਤਾ ਜਾਂ ਪਿਤਾ ਜਾਂ ਫਿਰ ਦੋਨਾਂ ਦੀ 28 ਫਰਵਰੀ 2022 ਤੋਂ ਪਹਿਲਾਂ ਕਰੌਨਾ ਕਰਕੇ ਮੌਤ ਹੋਈ ਹੈ, ਤਾਂ ਇਸ ਦੀ ਸੂਚਨਾ ਤੁਰੰਤ ਜ਼ਿਲ੍ਹਾ ਬਾਲ ਸੁਰੱਖਿਆ ਯੂਨਿਟ ਦਫ਼ਤਰ ਜ਼ਿਲ੍ਹਾ ਬਾਲ ਸੁਰੱਖਿਆ ਅਫ਼ਸਰ ਮਾਲੇਰਕੋਟਲਾ ਮਕਾਨ ਨੰ.01 ਸ਼੍ਰੀ ਗੁਰੂ ਗੋਬਿੰਦ ਸਿੰਘ ਨਗਰ, ਨੇੜੇ ਅਨਾਜ ਮੰਡੀ, ਮਲੇਰਕੋਟਲਾ ਵਿਖੇ ਜਾਂ ਫੋਨ ਨੰਬਰ 7837501659, 9779348073 ਤੇ ਸੋਮਵਾਰ ਤੋਂ ਸ਼ੁੱਕਰਵਾਰ ਤੱਕ ਦਫ਼ਤਰੀ ਸਮੇਂ ਦੌਰਾਨ ਸੰਪਰਕ ਕੀਤਾ ਜਾ ਸਕਦਾ ਹੈ

The post ਕਰੌਨਾ ਦੌਰਾਨ ਮਾਤਾ ਜਾਂ ਪਿਤਾ ਦੇ ਦੇਹਾਂਤ ਜਾਂ ਅਨਾਥ ਹੋਏ ਬੱਚਿਆਂ ਨਾਲ ਡਿਪਟੀ ਕਮਿਸ਼ਨਰ ਨੇ ਬਤੌਰ ਕਾਨੂੰਨੀ ਸਰਪ੍ਰਸਤ ਕੀਤੀ ਮੁਲਾਕਾਤ appeared first on The Epapers.

ਬਰਨਾਲਾ:-ਰਾਸ਼ਟਰੀ ਸੇਵਾ ਭਾਰਤੀ ਵੱਲੋਂ ਆਪਣੀ ਸਹਿਯੋਗੀ ਸੰਸਥਾ ਸਮਰਪਣ ਫਾਊਂਡੇਸ਼ਨ ਟਰੱਸਟ ਦੇ ਸਹਿਯੋਗ ਨਾਲ ਨੇਤਾ ਜੀ ਸੁਭਾਸ਼ ਆਜ਼ਾਦ ਹਿੰਦ ਕੁਸ਼ਟ ਆਸ਼ਰਮ ਨੇੜੇ ਅਨਾਜ ਮੰਡੀ ਬਰਨਾਲਾ ਵਿਖੇ ਮੁਫ਼ਤ ਜਾਂਚ ਕੈਂਪ ਲਗਾਇਆ ਗਿਆ। ਪ੍ਰੈਸ ਨੂੰ ਜਾਣਕਾਰੀ ਦਿੰਦਿਆਂ ਸੇਵਾ ਭਾਰਤੀ ਬਰਨਾਲਾ ਦੇ ਜ਼ਿਲ੍ਹਾ ਸੇਵਾ ਪ੍ਰਮੁੱਖ ਰਾਕੇਸ਼ ਕੁਮਾਰ ਧਨੌਲਾ, ਜ਼ਿਲ੍ਹਾ ਸਕੱਤਰ ਮਨੀਸ਼ ਬਾਂਸਲ ਅਤੇ ਮੋਬਾਈਲ ਮੈਡੀਕਲ ਟੀਮ ਦੀ ਸੰਚਾਲਿਕਾ ਸੰਤੋਸ਼ ਰਾਣੀ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਕੈਂਪ ਦੌਰਾਨ ਕੁਸ਼ਟ ਆਸ਼ਰਮ ਚ ਰਹਿੰਦੇ 100 ਤੋਂ ਵੱਧ ਮੈਂਬਰਾਂ ਦੀ ਕੁਸ਼ਟ ਰੋਗ ਸੰਬੰਧੀ ਜਾਂਚ ਕੀਤੀ ਗਈ ਅਤੇ ਮਰੀਜ਼ਾਂ ਦੇ ਜ਼ਖਮਾਂ ਦੀ ਮਾਈਨਰ ਸਰਜਰੀ ਕਰਕੇ ਮੱਲਮ ਪੱਟੀ ਕੀਤੀ ਗਈ ਅਤੇ ਦਵਾਈਆਂ ਮੁਫ਼ਤ ਵੰਡੀਆਂ ਗਈਆਂ।

ਮਰੀਜ਼ਾਂ ਦੇ ਖ਼ੂਨ, ਸ਼ੂਗਰ ਅਤੇ ਰਕਤ ਚਾਪ ਦੀ ਜਾਂਚ ਵੀ ਕੀਤੀ ਗਈ। ਔਰਤ ਮਰੀਜ਼ਾਂ ਨੂੰ ਸੈਨੇਟਰੀ ਪੈਡ ਵੰਡੇ ਗਏ। ਡਾਕਟਰ ਦੇਵ ਉਤਕਰਸ਼, ਨਰਸ ਲਲਨ, ਨਰਸ ਰੋਹਿਤ, ਨਰਸ ਕ੍ਰਿਸ਼ਨ ਕੁਮਾਰ ਅਤੇ ਡਰੈਸਰ ਅੰਕਿਤ ਕੁਮਾਰ ਨੇ ਮੈਡੀਕਲ ਕੈਂਪ ਦੌਰਾਨ ਤਨਦੇਹੀ ਨਾਲ ਡਿਊਟੀ ਨਿਭਾਈ। ਇਸ ਦੌਰਾਨ ਜ਼ਿਲ੍ਹਾ ਸੇਵਾ ਪ੍ਰਮੁੱਖ ਰਾਕੇਸ਼ ਕੁਮਾਰ ਧਨੌਲਾ ਅਤੇ ਸੇਵਾ ਭਾਰਤੀ ਦੇ ਜ਼ਿਲ੍ਹਾ ਸਕੱਤਰ ਮੁਨੀਸ਼ ਬਾਂਸਲ ਅਤੇ ਮੈਂਬਰ ਸੁਖਵਿੰਦਰ ਸਿੰਘ ਭੰਡਾਰੀ ਨੇ ਦੱਸਿਆ ਕਿ ਸਮਰਪਨ ਫਾਊਂਡੇਸ਼ਨ ਟਰੱਸਟ ਵੱਲੋਂ ਕੁਸਟ ਰੋਗੀਆਂ ਦੇ ਬੱਚਿਆਂ ਦੀ ਸਿੱਖਿਆ ਦਾ ਪ੍ਰਬੰਧ ਵੀ ਕੀਤਾ ਜਾਂਦਾ ਹੈ। ਇਸ ਤੋਂ ਇਲਾਵਾ ਅੱਖਾਂ ਅਤੇ ਟੀ ਬੀ ਜਾਂਚ ਕੈਂਪ ਲਗਾਏ ਜਾਂਦੇ ਹਨ ਅਤੇ ਸਹਾਇਕ ਉਪਕਰਣ ਵੀ ਦਿੱਤੇ ਜਾਂਦੇ ਹਨ।ਜ਼ਿਲ੍ਹਾ ਸੇਵਾ ਪ੍ਰਮੁੱਖ ਰਾਕੇਸ਼ ਕੁਮਾਰ ਧਨੌਲਾ ਨੇ ਮੋਬਾਇਲ ਮੈਡੀਕਲ ਟੀਮ ਦਾ ਧੰਨਵਾਦ ਕੀਤਾ। ਇਸ ਮੌਕੇ ਅਚਾਰੀਆ ਸਿਰੀ ਨਿਵਾਸ, ਬ੍ਰਿਜ ਲਾਲ ਧਨੌਲਾ, ਐਡਵੋਕੇਟ ਦੀ ਦੀਪਕ ਜਿੰਦਲ, ਕੋਆਰਡੀਨੇਟਰ ਸੰਤੋਸ਼ ਰਾਣੀ, ਅਵਤਾਰ ਸਿੰਘ , ਡਰਾਈਵਰ ਕ੍ਰਿਸ਼ਨ ਕੁਮਾਰ, ਡਰੇਸਰ ਅੰਕਿਤ ਆਦਿ ਹਾਜ਼ਰ ਸਨ।

The post ਕੁ਼ਸ਼ਟ ਆਸ਼ਰਮ ਵਿਖੇ ਮੈਡੀਕਲ ਕੈਂਪ ਦੌਰਾਨ 100 ਤੋਂ ਵੱਧ ਮਰੀਜ਼ਾਂ ਦੀ ਜਾਂਚ ਕੀਤੀ ਅਤੇ ਦਵਾਈਆਂ ਮੁਫ਼ਤ ਵੰਡੀਆ  appeared first on The Epapers.